وزیر اعلیٰ گلگت بلتستان حاجی گلبر خان نے ضلعی انتظامیہ، گلگت بلتستان ڈیزاسٹرمینجمنٹ اتھارٹی، محکمہ تعمیرات سمیت تمام متعلقہ اداروں کو صوبے میں جاری بارشوں اور برف باری کے تناظر میں الرٹ رہنے کی ہدایت کرتے ہوئے کہا ہے کہ کسی بھی ممکنہ ہنگامی صورتحال سے نمٹنے کیلئے احتیاطی اقدامات کریں۔ شاہراہوں کی بروقت بحالی کیلئے مشینری کی دستیابی کو یقینی بنائیں۔ وزیر اعلیٰ گلگت بلتستا ن نے محکمہ اطلاعات کو بھی ہدایت کی ہے کہ بارشوں اور برف باری میں غیر ضروری سفر سے اجتناب کرنے کیلئے عوام کو آگاہ رکھیں۔
